Korsongarseminar med Per Oddvar Hildre
Har du lyst på ei helg fylt med songglede, inspirasjon, fellesskap og musikalsk utvikling? Under Festspela i Geiranger inviterer vi kor og songglade frå nær og fjern til eit korseminar med Per Oddvar «Prots» Hildre, ein av dei store inspiratorane i norsk korliv. Kom åleine, kom to eller tre, eller kom heile koret - dette blir ei kjekk oppleving og eit godt song-fellesskap.
Gjennom helga skal vi synge, lære og utforske kva som skjer når mange stemmer møtest. Prots er kjend for å skape entusiasme, få folk til å våge litt meir og vise at korsong først og fremst handlar om glede, fellesskap og det å skape noko saman.
Seminaret passar for kor som ønskjer fagleg og musikalsk påfyll, men også for deg som berre er glad i å synge.
Ei heil helg med song
Helga byr på fleire økter saman med Prots, med høve til å utvikle seg som korsongar og oppleve songen i fellesskap med andre.
Laurdag kveld får deltakarane også vere med på ein pop-up-konsert i foajeen på Union Hotel, og søndag avsluttar vi korhelga med at seminardeltakarane blir med og syng under festspelgudstenesta i Geiranger kyrkje.
Det blir med andre ord ei helg der vi ikkje berre øver – vi får også bruke songen i møte med publikum.
Bli med på Pub-kor fredag kveld!
Vi startar korhelga med Pub-kor med Prots på Gildetun ungdomshus fredag kveld.
Dette er eit ope og uhøgtideleg arrangement der alle songglade kan delta. Du treng ikkje kunne notar, ha sunge i kor før eller førebu deg på noko. Vi lærer ein enkel song saman, steg for steg.
For dei som skal delta på korseminaret, blir Pub-koret ein sosial og musikalsk start på helga. Og for alle andre er det ein flott anledning til å oppleve Prots og bli med på songgleda – sjølv om ein ikkje deltek på resten av seminaret.
Seminardeltakarane får spesialpris: Bruk rabattkoden “PROTS” når du bestiller billett via ticketco så får du 50 % rabatt.
Praktisk informasjon
Korseminar med Per Oddvar Hildre
Fredag: kl. 18.00–19.30
Laurdag: kl. 10.00–13.00 og 14.00–17.00
Laurdag kveld: Pop-up-konsert i foajeen på Union ca kl. 21.15
Sundag: kl. 10.00–12.30, song under festspelgudstenesta
Stad: Gildetun ungdomshus, ca 200 meter ovanfor Union, ved FV63
Pris: 750,-
Overnatting:
Geiranger har mange mogelegheiter, til dømes:
- Vinje camping - hytteutleige
- Hole hytteutleige
- Hotel Union Geiranger
- Havila Hotel Geiranger
- Grande Fjordhotel
Pub-kor med Prots
Fredag 2. oktober kl. 22.00
Dørene opnar kl. 21.00
Stad: Gildetun ungdomshus
Hugs rabattkoden PROTS når du bestiller billett.
Kom med gode vener!
Vi håpar de vil bli med på ei helg der songglede, musikalsk utvikling og fellesskap står i sentrum.
Ta med koret, kollegaer, vener – eller kom åleine.
Her er det plass til alle som har lyst til å synge.
Ei helg. Mange stemmer. Store songopplevingar.
Vi gler oss til å synge saman med dykk!
Kontakt og påmelding:
post@festspel.no
Tlf 93049185 (Gunnar I)
eller via ticketco.no