Language
Opningskonsert // Oslo strykekvartett
Velkomen til ei høgtidsstund i vakre Geiranger kyrkje når Festspela 2026 opnar med Oslo Strykekvartett – eit av Skandinavia sine mest anerkjende kammerensemble. Med over 35 år på dei store scenene i inn- og utland, tek kvartetten med seg eit rikt og levande repertoar til Geiranger. Her møtest meisterleg samspel, sterke musikalske tradisjonar og den unike festspelstemninga i verdsarvbygda.
Event date
Friday 2 Oct 2026 20:00
Ends
Friday
2 Oct 2026
21:30
order
Tickets not available anymore
Event information
Opningskonsert med Oslo Strykekvartett
Festspela 2026 opnar med ei stor kammermusikalsk oppleving i vakre Geiranger kyrkje. Denne kvelden får publikum møte Oslo Strykekvartett, eit av Skandinavia sine mest anerkjende og etterspurde kammerensemble.
Sidan starten i 1991 har kvartetten markert seg både nasjonalt og internasjonalt, med konsertar på prestisjetunge scener som Wigmore Hall i London og Carnegie Hall i New York. Gjennom meir enn 35 år har Oslo Strykekvartett bygd opp eit rikt kunstnarleg univers, med klassiske meisterverk, nordisk repertoar og ny musikk skrive spesielt for ensemblet.
Kvartetten er kjend for sitt varme samspel, sterke formidlingsevne og musikalske nyfikne. Dei har løfta fram både kjende og mindre kjende norske komponistar, og har samstundes vist ei sjeldan evne til å nå breitt ut – frå dei store kammermusikkscenene til skulekonsertar, festivalar og kreative formidlingsprosjekt.
Når Oslo Strykekvartett opnar Festspela i Geiranger, møtest kunstnarleg kvalitet, levande tradisjon og den heilt særlege stemninga i Geiranger kyrkje. Dette blir ein kveld for nærleik, fordjuping og stor musikk i ei lita bygd.
Fredag 2. oktober kl. 20.00
Geiranger kyrkje
Repertoar vert kunngjort
Organizer